 |
 |
 |
 |
 |
 |
 |
 |
 |
 |
|
|
|
|
|
|
|
|
|
|
|
|
El cuor su l’acqua
Xe Domenega! Mi son so’o
In una barcheta sul Lemene.
El Burìn xè de veudo
Tuti i fa festa e mi so’o
Meso nuo sul cuor del Lemene
Scaldo i me strassi al sol de veudo.
No go un scheo, son paron so’o
dei me cavei de oro sul Lemene,
pien de pissìgoe de veudo,
El xe pien de pecai el me cuòr so’o
P.P. Pasolini
Poeta,sbatuo
coi to versi ta un’insegna,
In riva al lemene che ti
te ga cantà cusì benon
i mulini i ga de novo le so bele rode,
come na volta,
le gira, le gira, le gira,
ma xe come le mastegasse brodo…
e niente più le ma- si-na
…potensa de l’aqua, si!
… aqua malada…Lemene malà…
…Come quelli che…
passeggiate in riva al fiume
per riscoprire…
la bellezza del territorio
attraverso nuovi percorsi
…scarichi di fogna…
…ammirino, pure,…loro
tenere
pantegane al sole
credeme, poeta,
el to cuor so’o come el mio
tientelo strento, rabaltà
su una vascuta disinfetada,
Pa- sa pur na Domenega tranquila
Che le pissigoe (de veudo)
le gà lasà scrito
‘ndemo via,verso el mar,
a ciapar na bocada
de acqua bona
| Piero Simon Ostan | Acqua | | Scaie | A nanna | La postura scorretta | Musicaleggiando | Oto ore | Altre poesie |